ក្រុមការងារ Sisters of Code បានធ្វើការបណ្ដុះបណ្ដាលនៅមជ្ឈមណ្ឌលបច្ចេកវិទ្យាសហគមន៍ចំនួន ៣ទីតាំង
ក្រសួងប្រៃសណីយ៍និងទូរគមនាគមន៍,
ខេត្តតាកែវ៖ នារសៀលថ្ងៃទី១៩ ខែកក្កដា ឆ្នាំ២០២៥ ក្រុមការងារ Sisters of Code ចំនួន ៣រូប បានចុះធ្វើការបណ្ដុះបណ្ដាលលើមេរៀនស្ដីពីសន្តិសុខសាយប័រ (Cybersecurity) នៅមជ្ឈមណ្ឌលបច្ចេកវិទ្យាសហគមន៍ចំនួន ៣ទីតាំង រួមមាន វិទ្យាល័យ សុខអាន ត្រាំខ្នារ វិទ្យាល័យ ប៊ុនរ៉ានី ហ៊ុន សែន បាទី និង វិទ្យាល័យ ហ៊ុន សែន ១ មិថុនា ដែលមានសិស្សានុសិស្សចូលរួមសរុបចំនួន ៣៥រូប ដែលមាននារី ៣៤រូប។
ការបណ្តុះបណ្តាលនេះបានរៀបចំឡេីងក្នុងគោលដៅផ្តល់អាទិភាពដល់សិស្សស្រី និងពង្រឹងសមភាពយេនឌ័រតាមរយៈការកសាងសមត្ថភាពបច្ចេកវិទ្យាលឌីជីថល និងជាការរួមចំណែកជំរុញអក្ខរកម្មឌីជីថលនៅក្នុងប្រទេសកម្ពុជា សំដៅពន្លឿនការធ្វើបរិវត្តកម្មឌីជីថលលើជំនាញបច្ចេកវិទ្យា ប្រកបដោយបរិយាបន្ន និងចីរភាព។
