គម្រោងមជ្ឈមណ្ឌលបច្ចេកវិទ្យាសហគមន៍លើកតម្កើនអក្ខរកម្មឌីជីថល មជ្ឈមណ្ឌលបច្ចេកវិទ្យាសហគមន៍ (ម.ប.ស.) បានដើរតួនាទីយ៉ាងសំខាន់ក្នុងការតភ្ជាប់គម្លាតឌីជីថលរវាងជនបទ និងទីប្រជុំជន តាមរយៈការសិក្សាតាមប្រព័ន្ធអ៉ីនធឺណិតពីរាជធានីភ្នំពេញ។ ម.ប.ស. បានចូលរួមបណ្តុះបណ្តាលមូលដ្ឋានជំនាញឌីជីថលទៅកាន់សិស្សានុសិស្សលើផ្នែកវិទ្យាសាស្ត្រកុំព្យូទ័រនិងបច្ចេកវិទ្យាឌីជីថល និងធានាថាការបណ្តុះបណ្តាលបានបំពេញតាមស្តង់ដារជាតិ និងអន្តរជាតិ ស្របតាមក្របខ័ណ្ឌសមត្ថភាពអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន ស្របតាមផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជាឆ្នាំ២០២៤-២០៣៥។ ម.ប.ស. មាន ៤មុខងារ គឺ (១) បន្ទប់កុំព្យូទ័រ (២) បន្ទប់បណ្តុះបណ្តាល (៣) ប៉ុស្តិ៍ប្រៃសណីយ៍ (៤) សាលសាធារណៈ។ បច្ចុប្បន្ន ម.ប.ស. មានទីតាំងចំនួន ២១ នៅក្នុងវិទ្យាល័យនានាទូទាំងប្រទេស ហើយក្រសួងប្រៃសណីយ៍និងទូរគមនាគមន៍ ក៏មានគម្រោងក្នុងការសាងសង់ ម.ប.ស. ចំនួន ១១ទីតាំង បន្ថែមនៅក្នុងឆ្នាំនេះ ដើម្បីជំរុញការធ្វើបរិវត្តកម្មឌីជីថលទូទាំងប្រទេស។ សម្រាប់ព័ត៌មានលម្អិត សូមចូលទៅកាន់គេហទំព័រផ្លូវការរបស់ ម.ប.ស. គឺ www.ctc.edu.kh ដើម្បីតាមដានការវិវឌ្ឍន៍ថ្មីៗ។ #CTC #technology #posts #telecommunications #digital #MPTC #TechAdoption #CommunityTechCenter #MPTCPress #PhnomPenh #Cambodia

គម្រោងមជ្ឈមណ្ឌលបច្ចេកវិទ្យាសហគមន៍បន្តជំរុញការអភិវឌ្ឍទៅកាន់សង្គមឌីជីថល ក្រសួងប្រៃសណីយ៍និងទូរគមនាគមន៍ (ក.ប.ទ.) បាននិងកំពុងកសាងហេដ្ឋារចនាសម្ព័ន្ធឌីជីថល តាមរយៈការបង្កើតមជ្ឈមណ្ឌលបច្ចេកវិទ្យាសហគមន៍ (ម.ប.ស.) ដើម្បីតភ្ជាប់គម្លាតឌីជីថលរវាងជនបទ និងទីប្រជុំជន តាមរយៈការសិក្សាតាមប្រព័ន្ធអ៉ីនធឺណិតពីរាជធានីភ្នំពេញ។ ម.ប.ស. បានចូលរួមបណ្តុះបណ្តាលមូលដ្ឋានជំនាញឌីជីថលទៅកាន់សិស្សានុសិស្សលើផ្នែកវិទ្យាសាស្ត្រកុំព្យូទ័រនិងបច្ចេកវិទ្យាឌីជីថល និងធានាថាការបណ្តុះបណ្តាលបានបំពេញតាមស្តង់ដារជាតិ និងអន្តរជាតិ ស្របតាមក្របខ័ណ្ឌសមត្ថភាពអក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន (Digital Media Information Literacy Framework - DMIL)។ ម.ប.ស. មាន ៤ មុខងារ គឺ (1) បន្ទប់កុំព្យូទ័រ សម្រាប់បណ្ដុះបណ្ដាលសិស្សានុសិស្សនៅក្នុងវិទ្យាល័យ (2) បន្ទប់បណ្តុះបណ្តាល សម្រាប់បណ្ដុះបណ្ដាលបុគ្គលិកប្រតិបត្តិនិងប្រជាពលរដ្ឋនៅក្នុងសហគមន៍ (3) ប៉ុស្តិ៍ប្រៃសណីយ៍ សម្រាប់ជំរុញសេវាកម្មបញ្ញើប្រៃសណីយ៍គ្រប់គ្រងដោយប្រៃសណីយ៍កម្ពុជា (4) សាលសាធារណៈ សម្រាប់ឱ្យសិស្សានុសិស្ស និងប្រជាពលរដ្ឋក្នុងសហគមន៍សិក្សា ប្រជុំ ឬស្រាវជ្រាវអំពីព័ត៌មានផ្សេងៗ។ បច្ចុប្បន្ន ម.ប.ស. មានទីតាំងចំនួន ២១ នៅក្នុងវិទ្យាល័យនានាទូទាំងប្រទេស។ ក.ប.ទ. ក៏មានគម្រោងក្នុងការសាងសង់ ម.ប.ស. ចំនួន ១០ទីតាំង បន្ថែមនៅក្នុងឆ្នាំនេះ ដើម្បីជំរុញដល់ការធ្វើបរិវត្តកម្មឌីជីថលទូទាំងប្រទេស ស្របតាមផែនទីបង្ហាញផ្លូវអភិវឌ្ឍន៍ជំនាញឌីជីថលនៅកម្ពុជាឆ្នាំ២០២៤-២០៣៥។ សម្រាប់ព័ត៌មានបន្ថែម សូមចូលទៅកាន់គេហទំព័រផ្លូវការរបស់ ម.ប.ស. គឺ www.ctc.edu.kh ដើម្បីតាមដានការវិវឌ្ឍន៍ថ្មីៗ។ #CTC #technology #posts #telecommunications #digital #MPTC #TechAdoption #CommunityTechCenter #MPTCPress #PhnomPenh #Cambodia

នៅក្នុងវីដេអូនេះ ប្អូនៗនឹងបានជួបជាមួយអតីតសិស្សនិទ្ទេស A ផ្ទាល់ កញ្ញា សេង រ័ត្នសេដ្ឋាមុនី​ ដែលនឹងមកលាតត្រដាងកំហុសឆ្គងលាក់មុខទាំង ៣ យ៉ាងដែលសិស្សភាគច្រើនបានប្រព្រឹត្ត ដែលជាហេតុបណ្តាលឱ្យបាត់បង់ឱកាសមាសក្នុងការទទួលបាននិទ្ទេសល្អ ទោះបីជាខំរៀនខ្លាំងយ៉ាងណាក៏ដោយ។ បន្ថែមពីនេះ ប្អូននឹងទទួលបានឱកាសចូលរួមរៀនសូត្រក្នុងកម្មវិធី "BACII by Bamnang" ដែលនឹងផ្ដល់ជូននូវ៖ 1. យុទ្ធសាស្ត្រសិក្សា៖ គន្លឹះដោះស្រាយលំហាត់ និងការគ្រប់គ្រងពេលវេលាដែលមានប្រសិទ្ធភាពខ្ពស់ 2. គន្លឹះក្នុងការធ្វើវិញ្ញាសា៖ យល់ដឹងពីរបៀបសរសេរនិងដោះស្រាយវិញ្ញាសាដើម្បីទទួលបានពិន្ទុច្រើន និងកាត់បន្ថយកំហុសនានា 3. វគ្គតម្រង់ទិសដោយឥតគិតថ្លៃ៖ ឱកាសចូលរួមរៀនសូត្រជាមួយសិស្សច្បងដែលមានសមត្ថភាពខ្ពស់ ជាអតីតសិស្សនិទ្ទេស A និងជាបេក្ខភាពអាហារូបករណ៍ល្បីៗនៅកម្ពុជា ពីឱកាសអាហារូបករណ៍ វិធីជ្រើសរើសជំនាញ និងវិធីត្រៀមខ្លួនចូលសាកលវិទ្យាល័យជាដើម។ ឈប់រៀនទាំងប្រថុយប្រថានទៀតទៅ! មកផ្លាស់ប្តូររបៀបរៀនសូត្រ និងបង្កើតផែនការយុទ្ធសាស្ត្រដើម្បីទទួលបាននិទ្ទេស A ទាំងអស់គ្នា!